SƏDDAM HÜSEYN ÖZÜNÜ YAXŞI HİSS EDİR

29.07.2004 [21:56]
Çap et
A⁺ A^-

Sabiq İraq Prezidenti Səddam Hüseyn özünü yaxşı hiss edir, amma xərçəng xəstəliyinə tutulub-tutulmadığını müəyyənləşdirmək üçün biopsiya edilməsinə, yəni diaqnostik məqsədlə kiçik toxuma tikəsinin götürülməsinə qətiyyən razılıq vermir. AZƏRTAC xəbər verir ki, bunu iyulun 29-da İraqın insan hüquqları üzrə naziri Bəxtiyar Amin Qətərin “Əl-Cəzirə” telekanalına müsahibəsində bildirmişdir.

Onun müsahibəsi guya iflic vurmuş Səddam Hüseynin can üstündə olması barədə ərəb və bəzi Qərb KİV-lərində yayılmış xəbərlərə İraq hakimiyyət dairələrinin cavabı olmuşdur.

Qızıl Xaç Cəmiyyətinin nümayəndəsi də Səddam Hüseynin halının pisləşdiyi barədə məlumatın olmadığını bildirmişdir.

Bəxtiyar Aminin sözlərinə görə, Səddam bir az arıqlayıb, çünki pəhriz saxlayır. O, Quran oxuyur, şer yazır və kamerasının yanındakı kiçik bağa baxır.