Şəhidlər xiyabanı bizim üçün müqəddəs and yerinə çevrilmişdir
Bakı, 20 yanvar (AZƏRTAC). Yanvarın 20-də - Ümumxalq Hüzn Günündə şəhidlərimizin əziz xatirəsinə öz ehtiramlarını bildirmək üçün paytaxtın yüz minlərlə sakini Şəhidlər xiyabanına üz tutmuşdur. Bu gün tariximizin qanlı və şanlı günüdür.
Bu sözləri qəhrəman Vətən övladlarının Şəhidlər xiyabanındakı məzarlarını ziyarətə gəlmiş Yeditepe Universitetinin tələbəsi Deniz Məmmədli AZƏRTAC-a müsahibəsində demişdir. Bildirmişdir ki, şəhidlərimizin adı Azərbaycan tarixinə qızıl hərflərlə yazılmış, xalqımızın yaddaşına əbədi həkk olunmuşdur. Şəhidlər xiyabanı bizim üçün müqəddəs and yerinə çevrilmişdir.
Biz gənclər Şəhidlər xiyabanına gəlib faciə qurbanlarının əziz xatirəsini yad etməyi özümüzə borc bilirik. Çünki öz tarixini xatırlamayanların tarixi təkrarlanır. Biz heç vaxt bu cür qanlı hadisələrin Azərbaycan tarixində bir daha təkrarlanmasına yol verməyəcəyik.
Bölmənin digər xəbərləri
