Şəhidlər xiyabanını daim ziyarət etmək biz gənclərin borcudur
Bakı, 20 yanvar (AZƏRTAC). 20 Yanvar - Azərbaycan tarixində təkcə faciə deyil, həm də milli məfkurəmizin azadlıq istəyinin oyanış günüdür.
Bu sözləri yanvarın 20-də Şəhidlər xiyabanında şəhidlərin məzarını ziyarət edən tələbə Nazim Seyidxanov AZƏRTAC-a müsahibəsində demişdir.
Bildirmişdir ki, 1990-cı ilin 20 Yanvar günü Azərbaycan tarixinin qanlı səhifəsinə çevrilsə də, eyni zamanda, xalqımızın qəhrəmanlıq ənənələrinə sadiqliyini, Vətənin müstəqilliyi və azadlığı uğrunda canından belə keçməyə hazır olduğunu bir daha sübut etmişdir. 20 Yanvar faciəsi xalqımızın azadlıq mübarizəsinin rəmzidir. Xalqımızın yaddaşına əbədi həkk olunan bu gün tariximizin bir səhifəsinə çevrilmişdir. Bu məkanı daim ziyarət etmək biz gənclərin borcudur.
Bölmənin digər xəbərləri
