“SƏHİYYƏ” BEYNƏLXALQ BAKI SƏRGİSİNDƏ 30-A YAXIN ŞİRKƏT İŞTİRAK EDƏCƏK
Britaniyanın “İTE LONDON” şirkətinin Bakı nümayəndəliyinin və Azərbaycan Səhiyyə Nazirliyinin təşkil etdikləri 7-ci beynəlxalq “SƏHİYYƏ” sərgisi sentyabrın 19-dan 21-dək Bakıda, “Avropa” mehmanxanasının sərgi mərkəzində keçiriləcəkdir.
“İTEKA Kaspian” şirkətinin Bakı nümayəndəliyinin başçısı və icraçı direktoru Fərid Məmmədov AZƏRTAC-ın müxbirinə bildirmişdir ki, indiyədək Azərbaycandan, Rusiyadan, Böyük Britaniyadan, İsraildən, Türkiyədən və digər ölkələrdən 30-a yaxın şirkət sərgidə iştirak etmək üçün sifariş vermişdir. Eksponatlar pəhriz və qida əlavələri, tibb avadanlığı, elektronika və təbabət, diaqnostika, oftalmologiya və optika, gigiyena vasitələri, əczaçılıq, kosmetologiya bölmələrində nümayiş etdiriləcəklər.
Şirkət bu sərgidən sonra tikinti sənayesinə və telekommunikasiyalara aid daha iki ixtisaslaşdırılmış sərgi keçirəcəkdir.
Bölmənin digər xəbərləri
