ŞƏKƏR ÇUĞUNDURU TOXUMÇULUĞU İNKİŞAF ETDİRİLƏCƏK
Gəncə Regional Aqrar Elm Mərkəzi şəkər çuğunduru əkinini genişləndirmək məqsədi ilə Rusiya Federasiyasının “Russkoye pole” şirkətindən aldığı toxumun səpininə başlamışdır. Hər kiloqramı 18 ABŞ dolları olan bu toxumun haqqı məhsul yığıldıqdan sonra ödəniləcəkdir.
Mərkəzdən AZƏRTAC-ın müxbirinə demişlər ki, Gəncəbasar bölgəsinin iqlimi mülayim olduğundan bu bitkinin əkin sahələrinin genişləndirilməsi çox sərfəlidir. Əgər fermerlər şəkər çuğundurunu növbəli əkin sisteminə sala bilsələr, həm torpağın münbitliyini qoruya bilər, həm də respublikamızda şəkər tozunun istehsalına nail olarlar.
Bölmənin digər xəbərləri
