Səkkizqat Olimpiya çempionu Useyn Bolt koronavirusa yoluxub
Bakı, 25 avqust, AZƏRTAC
Səkkizqat Olimpiya və 11 qat dünya çempionu Useyn Bolt koronavirusa yoluxub.
AZƏRTAC xəbər verir ki, 34 yaşlı yamaykalı atletin koronavirus testi müsbət çıxıb. Onun hazırda karantində olduğu bildirilib.
U.Boltda virusun əlamətlərinin olub-olmadığı məlum deyil.
Boltun avqustun 21-də 34 yaşı tamam olması münasibətilə ziyafət təşkil etdiyi vurğulanıb. Ziyafətdə “Mançester Siti”nin hücumçusu Rahim Sterlinq və “Bayer Leverkuzen”in oyunçusu Leon Beyli də iştirak ediblər. Məclisdə olan bütün şəxslərin koronavirus testindən keçəcəyi qeyd olunub.
Bölmənin digər xəbərləri
