Serbiya mətbuatı Belqradda Azərbaycan Mədəniyyət Mərkəzinin nəzdində açılan kitabxana barədə yazır
Belqrad, 4 oktyabr (AZƏRTAC). Serbiyanın bir sıra xəbər saytları Belqradda fəaliyyət göstərən Azərbaycan Mədəniyyət Mərkəzinin nəzdində açılan kitabxana barədə yazılar yerləşdirib. Yazılarda qeyd olunur ki, tədbirdə Azərbaycan Respublikası Baş nazirinin müavini Elçin Əfəndiyev, Serbiya parlamentində Azərbaycan ilə əməkdaşlıq üzrə dostluq qrupunun üzvləri, Serbiya Mədəniyyət və İnformasiya Nazirliyinin nümayəndələri və başqaları iştirak ediblər.
Oxucuların diqqətinə çatdırılır ki, tədbirdə serbiyalı musiqiçilərin ifasında Azərbaycan bəstəkarlarının əsərlərindən ibarət konsert, eləcə də serbiyalı sənətşünas Konstantin Novakoviçin ölkəmizə səyahətləri zamanı çəkdiyi şəkillərdən ibarət fotosərgi təşkil olunub.
Yazılarda, həmçinin tədbirdə səslənən fikirlər, iştirakçılar barədə ətraflı məlumatlar yer alıb.
Maqsud Dadaşov
AZƏRTAC-ın xüsusi müxbiri,
Belqrad
Bölmənin digər xəbərləri
