Səudiyyə Ərəbistanı neft hasilatını könüllü azaldır
Bakı, 6 yanvar, AZƏRTAC
Səudiyyə Ərəbistanı gündəlik neft istehsalını daha 1 milyon barrel azaldacaq.
AZƏRTAC xəbər verir ki, bu barədə Səudiyyə Ərəbistanının energetika naziri şahzadə Əbdül Əziz bin Salman deyib.
O, Səudiyyə Ərəbistanının “OPEC+” ölkələrinin iqtisadiyyatlarına dəstək vermək üçün fevral-mart aylarında neft hasilatını könüllü olaraq 1 milyon barrel azaldacağını qeyd edib.
Beləliklə də Səudiyyə Ərəbistanının açıqladığı əlavə məhdudiyyət nəticəsində “OPEC+” qrupunun gündəlik istehsal məhdudiyyətləri fevral ayında 8 milyon 125 min barrel, martda isə 8 milyon 50 min barrel olacaq.
Bölmənin digər xəbərləri
