Səudiyyə Ərəbistanında Kriştiano Ronaldonun muzeyi açılıb
Bakı, 28 noyabr, AZƏRTAC
Səudiyyə Ərəbistanında “Ən-Nəsr” kubunun və futbol üzrə Portuqaliya millisinin kapitanı Kriştiano Ronaldonun şərəfinə muzey açılıb.
AZƏRTAC xəbər verir ki, Kriştiano Ronaldo bu barədə özünün media hesabında yazıb: “Bu mənim tariximdir. “Madeyra” klubundan Səudiyyə Ərəbistanınadək. Mənim CR7 muzeyim artıq Ər-Riyadda”.
Muzeydə Kriştiano Ronaldonun şəxsi əşyaları - köynəkləri, mükafatları, ayaqqabıları, kubokları və medalları, o cümlədən beş “Qızıl top”u nümayiş olunur. Futbolçunun mum heykəli də eksponatlar arasındadır.
Xatırladaq ki, 2022-2023 mövsümünə İngiltərənin “Mançester Yunayted” klubunda başlayan Kriştiano Ronaldo sonradan rəhbərlik və məşqçi ilə münaqişə səbəbindən klubu tərk edərək qış transfer pəncərəsində Səudiyyə Ərəbistanının “Əl-Nəsr” klubuna keçib. Portuqaliyalı hücumçu bundan öncə milli komandanın heyətində keçirdiyi 200-cü oyununa və ən yüksək illik gəlirinə görə “Ginnesin Rekordlar kitabı”na daxil edilib.
Bölmənin digər xəbərləri
