Pekin, 8 iyun, AZƏRTAC

Cənubi Koreya paytaxtı Seul metrosunda eskalator qəzası baş verib.

AZƏRTAC Yonhap agentliyinə istinadla xəbər verir ki, hadisə yerli vaxtla səhər saat 8:20-də metronun Bundanq xətti üzərindəki Sune stansiyasında qeydə alınıb. Stansiyadakı eskalatorlardan biri qırılaraq, sürətlə əks istiqamətdə hərəkət edib. Nəticədə həmin vaxt eskalatorda olanlardan üçü nisbətən ağır olmaqla 14 nəfər xəsarət alıb. Onlar yaxınlıqdakı xəstəxanalara yerləşdiriliblər.

Hazırda polis müvafiq araşdırma aparır.

Şahin Cəfərov

AZƏRTAC-ın xüsusi müxbiri

Pekin