Şifahi nitq bacarıqlarının qiymətləndirilməsi qaneedici olmadıqda komissiyaya müraciət etmək mümkündür
Bakı, 19 may, AZƏRTAC
2020-2021-ci dərs ili üçün tədrisin digər dildə aparıldığı bölmə üzrə müraciət etmiş uşaqların şifahi nitq bacarıqlarının qiymətləndirilməsinin nəticəsi haqqında məlumat uşağın müsahibədə iştirak etdiyi gündən 2 iş günü ərzində SMS vasitəsilə valideynin qeydiyyatdan keçdiyi mobil nömrəyə göndəriləcək.
Təhsil Nazirliyindən AZƏRTAC-a bildirilib ki, şifahi nitq bacarıqlarının qiymətləndirilməsi üzrə müsahibənin nəticəsi valideyni qane etmədikdə iyun ayı ərzində rayon (şəhər) təhsil şöbələrində (idarələrində) növbəyə yazılaraq, Apellyasiya komissiyasına müraciət etmək mümkündür.
Bölmənin digər xəbərləri
