SIĞORTA ŞİRKƏTLƏRİ İLƏ MÜQAVİLƏ BAĞLAMADAN SƏRNİŞİN DAŞIYAN ŞİRKƏTLƏR CƏRİMƏ OLUNACAQLAR
AZƏRTAC-ın müxbiri xəbər verir ki, iclasda “Sərnişinlərin icbari sığortası haqqında” Azərbaycan Respublikası Qanununun tətbiqi ilə əlaqədar olaraq, bəzi qanunvericilik aktlarına əlavələr və dəyişikliklər edilməsi haqqında”, “Azərbaycan Respublikasının bəzi qanunvericilik aktlarına dəyişikliklər edilməsi və bəzi qanunvericilik aktlarının qüvvədən düşmüş hesab edilməsi haqqında” qanun layihələri müzakirə olunmuşdur.
Komissiyanın sədri Səttar Səfərov demişdir ki, “Sərnişinlərin icbari sığortası haqqında” Qanunun tətbiqi ilə əlaqədar İnzibati Xətalar Məcəlləsinə dəyişikliklər edilmişdir. Əlavədə deyilir ki, sərnişin daşınması ilə məşğul olan hüquqi və fiziki şəxslər müvafiq təşkilatla sığorta müqaviləsi bağlamadan fəaliyyət göstərərsə onlar şərti maliyyə vahidinin 10 mislindən 20 mislinədək cərimə olunacaqlar. Vəzifəli şəxslər üçün isə cərimənin məbləği daha yüksəkdir.
Sonra Mülki Məcəlləyə, “Məhkəmələr və hakimlər haqqında”, “Notariat haqqında” qanunlara redaktə xarakterli dəyişikliklər edilmişdir.
Müzakirələrdən sonra layihələrin Milli Məclisin iclasına çıxarılması qərara alınmışdır.
Bölmənin digər xəbərləri
