Şimali Amerikada növbəti qasırğa formalaşır
Vaşinqton, 3 sentyabr, AZƏRTAC
Karib dənizində “Nana” adlı yeni tropik fırtına formalaşır.
AZƏRTAC ABŞ-ın Milli Meteoroloji Xidmətinə istinadla xəbər verir ki, “Nana” tezliklə qasırğaya çevriləcək. Hidrometeoroloqların proqnozlarına görə, qasırğa Mərkəzi Amerika ölkələrinin sahilboyu ərazilərinə dağıdıcı küləklər və güclü yağışlar gətirəcək. İlk zərbə Belizə düşəcək, sonra qasırğa ölkənin içərilərinə doğru irəliləyəcək, daha sonra Qvatemalanı və Meksikanın cənubunu əhatə edəcək.
Meksikanın şimalında və ABŞ-ın cənub sahillərində də güclü yağışlar gözlənilir. Xatırladaq ki, keçən həftə “Lora” qasırğası ABŞ-ın cənubuna çatıb və Luizianaya dağıdıcı küləklər gətirib. Qasırğa nəticəsində bu ştatda 14 nəfər ölüb.
AZƏRTAC-ın Vaşinqton bürosu
Bölmənin digər xəbərləri
