Sinoptiklər: “Laura” tropik fırtınası ABŞ sahillərinə avqustun 26-da çatacaq
Bakı, 25 avqust, AZƏRTAC
Kubada olan “Laura” tropik fırtınası çərşənbə günü Texas və Luiziana ştatlarının sahillərinə çatacaq və qasırğaya çevriləcək.
AZƏRTAC TASS informasiya agentliyinə istinadla xəbər verir ki, bu proqnozu ABŞ Qasırğaları Müşahidə Milli Mərkəzi təqdim edib. Cümə gününədək Texas və Luiziananın sahil rayonlarında tufan olacağı, leysan yağacağı gözlənilir. Daşqın təhlükəsi də var.
“Laura” tropik fırtınasının küləyinin sürəti hüdudlarda 26,8 metr/saniyədir. Sürət artır. Fırtına şimal-qərbə doğru irəliləyir.
Atlantik okeanda qasırğa mövsümü iyundan noyabradək davam edir.
Bölmənin digər xəbərləri
