Siyəzəndə Xocalı faciəsinin 21-ci ildönümü ilə əlaqədar ümumrayon tədbiri keçirilmişdir
Siyəzən, 26 fevral (AZƏRTAC). Siyəzən şəhərindəki mədəniyyət sarayında Xocalı faciəsinin 21-ci ildönümü ilə əlaqədar ümumrayon tədbiri keçirilmişdir.
AZƏRTAC xəbər verir ki, əvvəlcə sarayın foyesində rayon məktəblilərinin Xocalı faciəsinə münasibətini əks etdirən rəsmlərdən ibarət sərgiyə baxış olmuşdur.
Soyqırımı qurbanlarının xatirəsi bir dəqiqəlik sükutla yad olunmuş, mərasimdə çıxış edənlər bəşəriyyətə, insanlığa qarşı cinayət olan və müstəqillik tariximizə qanla yazılmış Xocalı qətliamı barədə ətraflı məlumat vermişlər. Qeyd olunmuşdur ki, Xocalı soyqırımı öz ağlasığmaz qəddarlığı və qeyri-insani cəza üsulları ilə bəşər tarixində analoqu olmayan bir vəhşilik aktıdır.
Tədbirin sonunda kinorejissor Vahid Mustafayevin “Xoca” filmi nümayiş etdirilmişdir.
Bölmənin digər xəbərləri
