Şolts: Avropa Ukraynanın demilitarizasiyası ilə bağlı razılaşmaya icazə verməyəcək
Berlin, 17 fevral, AZƏRTAC
Avropa heç kimə Ukraynanın demilitarizasiyası ilə bağlı razılığa gəlməyə imkan verməyəcək.
AZƏRTAC xəbər verir ki, bu barədə seçki debatları zamanı Almaniya Kansleri Olaf Şolts Ukrayna münaqişəsinin həlli ilə bağlı danışıqlara Avropa İttifaqının cəlb edilməsinin vacibliyinə diqqət çəkərək bildirib.
Şolts Ukrayna ilə bağlı ABŞ-Rusiya müqaviləsinin bağlanması ehtimalına qarşı çıxaraq deyib: "Biz avropalılar buna imkan verməyəcəyik". Eyni zamanda, Almaniya Kansleri bir daha bəyan edib ki, Ukraynaya güclü ordu lazımdır.
ABŞ-ın Avropanın münaqişənin həlli üçün danışıqlar masasında fiziki olaraq iştirak etməyəcəyi ilə bağlı bəyanatına reaksiya verən Şolts "bunu bizsiz etmək mümkün deyil. Əlbəttə, bizim deməyə sözümüz var", - deyə qeyd edib. Onun sözlərinə görə, Avropanın iştirakı olmadan heç bir təhlükəsizlik zəmanəti olmayacaq.
Elvin Mövsüm
AZƏRTAC-ın xüsusi müxbiri
Berlin
Bölmənin digər xəbərləri
