Son üç gün ərzində ölkə ərazisində 21 min 580 ağac əkilib
Bakı, 11 mart, AZƏRTAC
Yaz ağacəkmə kampaniyası çərçivəsində Ekologiya və Təbii Sərvətlər Nazirliyi daha 4 rayonda ağac əkini həyata keçirib.
Nazirliyin Meşələrin İnkişafı Departamentinin əkin sektorunun müdiri Rəhim İbrahimov AZƏRTAC-a bildirib ki, Regional Meşə Təsərrüfatı Mərkəzləri və yerli idarəetmə orqanlarının əməkdaşları tərəfindən Masallı, Şəmkir, İsmayıllı və Zaqatala rayonlarında son 3 gün ərzində 20 hektar ərazidə 21 min 580 müxtəlif meyvə və meşəcinsli ağac əkilib. Ümumilikdə isə nazirliyin əməkdaşları tərəfindən yaz ağac əkini mövsümü başlayandan bu günədək ölkə ərazisində 100 hektar sahədə 116 min 200 müxtəlifcinsli ağac əkilib.
R.İbrahimov ağacəkmə aksiyalarının mövsümün sonunadək davam edəcəyini bildirib.
Bölmənin digər xəbərləri
