SOSİAL MƏSƏLƏLƏRƏ HƏSR OLUNMUŞ HƏFTƏ BAŞA ÇATMIŞDIR
3-cü Respublika gənclər forumu birinci mərhələsinin ikinci həftəsi başa çatmışdır. Gənclər, İdman və Turizm Nazirliyinin mətbuat mərkəzindən bildirmişlər ki, “Sosial müdafiəyə ehtiyacı olan gənclərin problemləri” devizi ilə keçirilən bu həftə çərçivəsində həmin kateqoriyadan olan gənclərlə görüşlər olmuşdur. Bu tədbirlər çadır şəhərciklərində, yataqxanalarda keçirilmiş, habelə gənc əlillərin sərgi - müsabiqələri, əmək yarmarkaları təşkil edilmişdir. Həftə ərzində Xocalı faciəsinin 10 illiyinə həsr olunmuş bir sıra tədbirlər də həyata keçirilmişdir.
Nazirliyin əməkdaşları çadır şəhərciklərinə gedərək, məcburi köçkün gənclərə humanitar yardım göstərmişlər.
Bölmənin digər xəbərləri
