Stanimir Stoylov Qazaxıstan yığmasının baş məşqçisi təyin edilib
Bakı, 1 mart, AZƏRTAC
Bolqar mütəxəssis Stanimir Stoylov Qazaxıstan yığmasının yeni baş məşqçisi təyin edilib.
AZƏRTAC “vesti.kz” saytına istinadla xəbər verir ki, bu barədə martın 1-də futbol üzrə Qazaxıstan yığmasının yeni baş məşqçisinin təqdim edilməsi mərasimində elan ediləcək.
Qeyd edək ki, yanvarın 8-də “Astana” S.Stoylov ilə yeni sazişin imzalandığını açıqlayıb. Bolqar mütəxəssis “Astana” ilə birinci sazişini 2014-cü ilin iyununda imzalayıb. Sonra müqavilənin müddəti 2017-ci il dekabrın 31-dək uzadılıb.
O, elə ilk mövsümdə komandaya çempion adı qazandırıb. Sonra həmin nəticəni daha üç dəfə təkrar edib. S.Stoylovun rəhbərliyi ilə “Astana” 2015-ci ildə Çempionlar Liqasının qrup mərhələsinə çatan ilk Qazaxıstan klubu olub.
2016 və 2017-ci illərdə “Astana” Stoylov ilə birlikdə Avropa Liqasının qrup mərhələsində iştirak edib, bu mövsümdə isə futbol tarixində Avropa Liqasının dörddəbir finalında Qazaxıstanın ilk nümayəndəsi olub. Burada astanalıların rəqibi Lissabonun “Sportinq” klubu olub.
Xatırladaq ki, Qazaxıstan yığmasının baş məşqçisi vəzifəsi yanvarın 22-də Aleksandr Borodyukun getməsindən sonra boş qalıb. Rusiyalı mütəxəssis Qazaxıstan yığması ilə bir ildən az müddət ərzində çalışıb. Milli komanda onun rəhbərliyi ilə keçirdiyi yeddi matçın altısında məğlub olub, birini heç-heçə başa çatdırıb.
Bölmənin digər xəbərləri
