“Stingray” pilotsuz təyyarəsinin ilk variantı nümayiş etdirilib
Bakı, 16 sentyabr, AZƏRTAC
Amerikanın “Boeing” şirkəti ABŞ Hərbi Dəniz Qüvvələri üçün hazırlamaqda olduğu “MQ-25” “Stingray” yanacaq dolduran pilotsuz təyyarənin ilk variantını nümayiş etdirən video yayıb.
AZƏRTAC xəbər verir ki, videoda sınaqdan keçiriləcək doqquz nümunədən biri göstərilib. Pilotsuz təyyarə gələcəkdə korpusda mikro çatların əmələ gəlməsini qiymətləndirəcək “yorğunluq” testindən keçəcək.
“MQ-25” proqramı çərçivəsində 76 təyyarə istehsalı nəzərdə tutulur. “MQ-25”-in istismarına 2025-ci ildə başlanması planlaşdırılırdı, lakin hissələrin hazırlanmasındakı gecikmələr səbəbindən onun istismara verilməsi 2026-cı ilə təxirə salınıb.
“MQ-25” “F/A-18E/F Super Hornet” də daxil olmaqla, təyyarələri havada yanacaqla doldurmaq üçün nəzərdə tutulub. Pilotsuz təyyarələr, həmçinin kəşfiyyat missiyalarını da yerinə yetirə biləcək.
Bölmənin digər xəbərləri
