Sumqayıt polisi karantin qaydalarına riayət olunmasına ciddi nəzarət edir
Sumqayıt, 6 yanvar, AZƏRTAC
Sumqayıtda polis əməkdaşları COVID-19 pandemiyasının yayılmasının qarşısının alınması, müəyyənləşdirilən xüsusi karantin rejimi qaydalarına riayət olunması məqsədilə gücləndirilmiş nəzarət profilaktik-maarifləndirmə tədbirlərini fasiləsiz həyata keçirirlər.
Sumqayıt Şəhər Polis İdarəsindən AZƏRTAC-a bildirilib ki, reydlər şəhərdə qurulmuş stasionar və səyyar karantin postlarında, eləcə də şəhərin nəzərdə tutulan ərazilərində aparılır. Həmçinin ictimai nəqliyyat vasitələrində sərnişinlərin və sürücülərin şəxsi gigiyena və qoruyucu vasitələrdən istifadə qaydalarına əməl etmələri daim diqqət mərkəzində saxlanılır.
Qaydaları pozanlar polis əməkdaşları tərəfindən müəyyən edilərək cərimələnirlər. Belə hallara yol verən avtobus sürücüləri barəsində ciddi tədbirlər görülür. Həmçinin taksilərdə sərnişinlərlə sürücülər arasında quraşdırılmalı olan şəffaf arakəsmələrdən istifadə etməyən şəxslər də cərimələnirlər.
Bölmənin digər xəbərləri
