Sumqayıt şəhərində oğurluq etməkdə şübhəli bilinən şəxs saxlanılıb
Bakı, 24 may, AZƏRTAC
Mayın 22-də Sumqayıtda naməlum şəxs şəhər sakinini aldadaraq adına olan bank kartından 150 manat çıxarıb, digər kartdan isə 2 min 600 manat oğurlayıb.
Bu barədə AZƏRTAC-a Daxili İşlər Nazirliyinin mətbuat xidmətindən bildirilib.
Sumqayıt Şəhər Polis İdarəsinin 3-cü Polis Bölməsi əməkdaşlarının keçirdikləri tədbirlərlə əməli törətməkdə şübhəli bilinən 45 yaşlı qadın müəyyən olunaraq saxlanılıb.
Faktla araşdırma aparılır.
Bölmənin digər xəbərləri
