SUMQAYITDA V GƏNCLƏR OYUNLARI BAŞLANMIŞDIR
Şəhər Gənclər və idman baş idarəsinin rəisi Musa Həsənov idmançıları salamlayaraq xatırlatmışdır ki, Azərbaycan idmanının yüksəlişinin və sürətlə inkişafının təməlini ümummilli lider Heydər Əliyev qoymuşdur. Gənclər və İdman Nazirliyinin, Milli Olimpiya Komitəsinin təsis edilməsi ilə Azərbaycanda idman hərəkatının inkişafı üçün gözəl baza yaradılmışdır. Bu işdə Milli Olimpiya Komitəsinin prezidenti, dövlətimizin başçısı İlham Əliyevin böyük xidmətləri var.
Ötən illərdə Sumqayıt idmançılarının da uğurları az olmamışdır. Təkcə keçən il 1531 idmançı respublika yarışlarında və beynəlxalq turnirlərdə iştirak etmiş, onlar 185 qızıl, 166 gümüş, 219 bürünc medal qazanmışlar. Sumqayıt komandası gənclər oyunlarının hamısında uğurla çıxış etmiş və ümumi komanda hesabında ikinci yeri tutmuşdur.
Azərbaycan Respublikasının dövlət himni səsləndikdən sonra Olimpiya mükafatçıları Fuad Aslanov və İlham Zəkiyev ölkəmizin milli bayrağını qaldırmışlar.
Sumqayıtlılar idmanın 12 növündə güclərini sınayacaqlar.
Bölmənin digər xəbərləri
