Süni intellekt insanlardan daha yaxşı tibbi diaqnoz qoyur
Bakı, 26 may, AZƏRTAC
Harvard və Stenford universitetlərinin alimlərinin birgə araşdırmasına əsasən, süni intellekt xüsusilə stres altında olan insanlardan daha dəqiq diaqnoz qoymağa qadirdir.
AZƏRTAC xarici mediaya istinadla xəbər verir ki, tədqiqatın nəticələrinə görə, xəstənin süni intellektlə reanimasiyaya qəbulu zamanı diaqnostikanın dəqiqliyi 79,7 faizə çatıb, aparıcı mütəxəssislərdə isə bu rəqəm 75,9 faiz təşkil edib. Süni intellekt xüsusilə mürəkkəb vəziyyətlərin idarə olunmasında daha effektiv olub.
Səhv diaqnozlar dünya üzrə xəstələrin təxminən 10 faizinin ölümünə səbəb ola bilər. ABŞ-da yanlış diaqnoz ölümlərin əsas səbəblərindən biridir. Bu baxımdan, tədqiqatçılar məsləhətçi amil qismində diaqnoz qoymağa köməklik göstərmək üçün süni intellekt tətbiq etməyə çalışdılar. Bununla belə, bu, diaqnostik keyfiyyətin yaxşılaşmasına səbəb olmayıb, çünki həkimlər çox vaxt AI-dən istifadə edərək əldə edilən nəticələrə inanmırlar.
Bölmənin digər xəbərləri
