Sürtkü yağlarının mikrobioloji zədələnməsi haqqında monoqrafiya nəşr olunub
Bakı, 11 may, AZƏRTAC
Elm və Təhsil Nazirliyinin akademik Əli Quliyev adına Aşqarlar Kimyası İnstitutunun professoru Həqiqət Cavadova və Azərbaycan Milli Elmlər Akademiyası Gəncə Bölməsinin əməkdaşı İlahə Cəfərovanın birgə müəllifliyi ilə “Sürtkü yağlarının mikrobioloji zədələnməsi” adlı monoqrafiya nəşr olunub.
İnstitutdan AZƏRTAC-a bildirilib ki, monoqrafiyada oxucuların diqqəti müvafiq problemin həllinə yönəldilir və onunla mübarizə yollarının iqtisadi, ekoloji və elmi-praktik əhəmiyyəti göstərilir.
Əsərdə müxtəlif tərkib və quruluşa, tətbiq sahəsinə malik olan sürtkü yağlarına biosidlərin təsiri geniş tədqiq edilərək qanunauyğunluqlar müəyyənləşdirilib və tətbiq üçün tövsiyələr verilib.
Kitabdan kimya sahəsində çalışan elmi işçilər, ali məktəb müəllimləri, doktorantlar, magistrantlar və digər kimyaçı mütəxəssislər istifadə edə bilər.
Bölmənin digər xəbərləri
