Taekvondo üzrə Azərbaycan yığması Avropa çempionatında növbəti medalını qazanıb
Bakı, 12 may, AZƏRTAC
Mayın 12-də böyüklərdən ibarət taekvondo üzrə Azərbaycan millisi Kazanda keçirilən Avropa çempionatında növbəti medalını qazanıb. Yığma komandanın üzvü Milad Beigi Hərçəqani (80 kq) yarışda bürünc medala sahib olub.
AZƏRTAC xəbər verir ki, idmançımız polşalı Karol Holudovic və ispaniyalı Raul Martinezə qalib gələrək edib yarımfinala yüksəlib. Rusiyalı Maksim Kramtcov ilə həlledici mərhələyə vəsiqə uğrunda mübarizədən məğlub ayrılan Azərbaycan idmançısı çempionatı bürünc medalla başa vurub.
Qeyd edək ki, qadınlardan ibarət komandamızın üzvü Patimat Abakarova (49 kq) mayın 10-da yarışda bürünc mükafata yiyələnmişdi.
Bölmənin digər xəbərləri
