Taekvondo üzrə Bakı kuboku yarışlarına yekun vurulub
Bakı, 1 avqust, AZƏRTAC
Bakı Şəhər Gənclər və İdman Baş İdarəsi tərəfindən Hövsan Olimpiya İdman Kompleksində taekvondo üzrə paytaxt kuboku yarışları keçirilib.
AZƏRTAC BŞGİBİ-nin saytına istinadla xəbər verir ki, yarışda müxtəlif yaş kateqoriyasında 150-yə yaxın idmançı mübarizə aparıb.
Turnirdə Rüstəm Bayramov (26 kq), Vüsal Cavadzadə (30 kq), Sadıq Əliyev (34 kq), Kamil Gülməmmədov (38 kq), Kənan Qəhrəmanlı (38 kq-dan yuxarı), Tamerlan Qutiyev (40 kq), Mütəllim Bayramov (45 kq), İbrahim Xəlilov (45 kq-dan yuxarı), Elşən Ələsgərov (35 kq), Xəlil Küləkçi (45 kq), Ağa Nəcəfov (50 kq) və Hüseyn Əliyev (50 kq-dan yuxarı) qızıl medal qazanıblar.
Qalib idmançılar Baş İdarə tərəfindən müvafiq dərəcəli diplom və xatirə hədiyyələri ilə təltif olunublar.
Bölmənin digər xəbərləri
