Tallində “Ferrari”nin sərgi salonu açılacaq
Tallinn, 14 avqust, AZƏRTAC
Estoniyanın paytaxtı Tallinn şəhərində “Ferrari”nin nümayəndəsi və Finlandiyanın ən böyük lüks avtomobillər dileri “Luxury Collection” yaxın günlərdə sərgi salonu açacaq.
AZƏRTAC xəbər verir ki, sərgidə “Ferrari” və digər lüks avtomobillərin nümayişi təşkil olunacaq. Tallinn şəhərinin mərkəzindəki liman bölgəsində açılacaq olan sərgi zalında bu günədək Estoniya, Latviya və Litvada mövcud olmayan bir çox avtomobilin satışına başlanılacaq.
Qeyd edək ki, mənzil-qərargahı İtaliyanın Maranello şəhərində yerləşən “Ferrari” lüks italyan idman avtomobili istehsalçısıdır. 1939-cu ildə Enzo Ferrari tərəfindən qurulan şirkətin böyük bir qismi 1988-ci ildən bu yana “Fiat” şirkətinin əsasını qoyan Anyelli sülaləsi tərəfindən idarə olunur.
Asiman Əsədov
AZƏRTAC-ın xüsusi müxbiri
Tallinn
Bölmənin digər xəbərləri
