Tallindəki Azərbaycan Həftəsonu məktəbində 20 Yanvar faciəsinə həsr olunmuş mühazirə keçirilmişdir
Tallin, 27 yanvar (AZƏRTAC). Estoniyanın paytaxtı Tallində fəaliyyət göstərən Azərbaycan Həftəsonu məktəbində 20 Yanvar faciəsinə həsr olunmuş mühazirə keçirilmişdir.
Şəhidlərin xatirəsi bir dəqiqəlik sükutla yad edildikdən sonra məktəbin müəllimləri yanvarın 19-dan 20-nə keçən gecə baş vermiş dəhşətli hadisələr haqqında uşaqlara məlumat vermişlər.
Sonra faciə haqqında sənədli film nümayiş etdirilmişdir.
Şagirdlər faciə ilə bağlı rəsmlər çəkmişlər.
Tədbirdə, həmçinin Azərbaycanın hazırkı inkişafından və əldə edilən nailiyyətlərdən danışılmışdır.
“R4” dalğalarında efirə gedən “Ocaq” radio verilişində də 20 Yanvar faciəsi haqqında geniş məlumat verilmişdir.
Nigar Cəfərli
AZƏRTAC-ın xüsusi müxbiri
Tallinn
Bölmənin digər xəbərləri
