TAMAŞANIN PREMYERASI NAXÇIVANDA OLACAQDIR
Bakı Bələdiyyə Teatrının bədii rəhbəri və direktoru, xalq artisti, Dövlət mükafatı laureatı Amalya Pənahova AZƏRTAC-ın müxbirinə demişdir ki, 31 mart Azərbaycanlıların Soyqırımı günü ilə əlaqədar səhnələşdirilmiş “Türk sancağı” tamaşasının premyerası Naxçıvanda olacaqdır. Tamaşada, ötən əsrin əvvəllərində erməni hərbi terror dəstələrinin Naxçıvanda törətdikləri vəhşiliklərdən, görkəmli türk sərkərdəsi Kazım Qarabəkir paşanın başçılığı ilə aparılan hərbi əməliyyatlardan bəhs edilir.
Əməkdar incəsənət xadimi Abdulla Qurbaninin ssenarisi əsasında hazırlanmış tamaşanın səhnə quruluşçuları Amalya Pənahova və Zirəddin Tağıyevdir.
Yaradıcı kollektiv bu tamaşanı Bakıda və qardaş Türkiyədə də nümayiş etdirəcəkdir.
Bölmənin digər xəbərləri
