Tanınmış jurnalistin futboldan bəhs edən kitabı dərc olunub
Bakı, 2 avqust, AZƏRTAC
Tanınmış jurnalist, Əməkdar mədəniyyət işçisi Şakir Yaqubov 1974-cü ildən dövri mətbuatda müxtəlif mövzularda, o cümlədən futbol haqqında yazılarla çıxış edir. Onun indiyədək təkcə futbol barədə qələmə aldıqları təqribən 1500 kitab səhifəsi həcmindədir.
AZƏRTAC xəbər verir ki, jurnalistin yenicə çapdan çıxan “Bir az da futbol(umuz)dan” kitabında ayrı-ayrı vaxtlarda yazılan həmin məqalə, araşdırma, müsahibə və oçerkləri toplanıb.
Kitabda məşhur məşqçilər Valeri Lobanovski, Helmut Şön, tanınmış futbolçular Yohann Kroyf, Bobbi Çarlton, Piter Şilton, Qarrinça, eləcə də dünya şöhrətli hakim, həmyerlimiz Tofiq Bəhramov, Azərbaycan futbolunun əfsanəsinə çevrilən Anatoli Banişevski, Əsgər Abdullayev, Yaşar Vahabzadə və başqaları haqqında müəllifin qələmindən çıxan maraqlı yazılar yer alıb. Burada, həmçinin Azərbaycan futbolunun müstəqillik illərində keçdiyi yol, ilk illərin çətinlikləri və ayrı-ayrı mütəxəssislərin rəyləri də əksini tapıb.
“Bir az futbol(umuz)dan” kitabının rəyçisi Əməkdar məşqçi Vaqif Sadıqovdur.
Bölmənin digər xəbərləri
