Tarix Muzeyində şəhid Sərxan Abdullayevə məxsus şəxsi əşyalar qorunur
Bakı, 3 noyabr, AZƏRTAC
AMEA-nın Milli Azərbaycan Tarixi Muzeyinin Vətən müharibəsi fondunda Vətən müharibəsi şəhidi gizir Sərxan Abdullayevə məxsus şəxsi əşyalar qorunur.
Bu barədə AZƏRTAC-a muzeydən məlumat verilib.
Sərxan Abdullayev 1988-ci ildə Qazax şəhərində anadan olub. O, 1995-2006-cı illərdə Qazaxda humanitar və təbiət fənləri üzrə liseydə təhsil alıb, sonra DİN Daxili Qoşunlarının “N” saylı hərbi hissəsində müddətli həqiqi hərbi xidmətdə, daha sonra isə müddətdən artıq həqiqi hərbi xidmətdə olub. DİN Daxili Qoşunlarının giziri olan Sərxan Abdullayev Vətən müharibəsində iştirak edərək düşmənə qarşı fədakarlıqla döyüşüb, şəhidlik zirvəsinə ucalıb.
Azərbaycan Prezidenti İlham Əliyevin sərəncamları ilə Sərxan Abdullayev “Vətən uğrunda”, “Kəlbəcərin azad olunmasına görə” medalları ilə təltif olunub (ölümündən sonra).
Bölmənin digər xəbərləri
