CƏMİYYƏT
TASİS PROQRAMI LAYİHƏSİ ÇƏRÇİVƏSİNDƏ
Avropa Birliyinin ekspertləri “MDB ölkələrinə texniki yardım“ TASİS proqramı layihəsi çərçivəsində Sosial Müdafiə Fondunun regional nümayəndəlikləri ilə iş üzrə təcrübi layihəni həyata keçirməyə başlamışlar.
Birinci mərhələdə layihə 6 rayon və şəhərdə - Gəncə, Şəki, Quba və digər yerlərdə həyata keçiriləcəkdir. Layihənin müxtəlif mərhələlərinin yerinə yetirilməsi ilə əlaqədar ölkəmizə 10 beynəlxalq ekspertin gələcəyi gözlənilir. Onlar məşğələlər keçirərək, makroiqtisadi məsələlərdə, idarəetmə məsələlərində yerli mütəxəssislərə kömək göstərəcəklər. Bundan əlavə, Sosial Müdafiə Fondunun əməkdaşları üçün də xüsusi təlim kursları təşkil etmək nəzərdə tutulmuşdur. Bu kurslarda vətəndaşların şikayətlərinə baxilması və onlara vaxtında cavab verilməsi mexanizmləri işlənib hazırlanacaqdır.
Layihədə ən mühüm cəhət müəssisə işçilərinin fərdi uçotu üçün hazırlıq tədbirlərin görülməsidir. Bu uçot 2005-ci ildən aparılması nəzərdə tutulan pensiya islahatları çərçivəsində tətbiq ediləcəkdir.