TBİLİSİ HAVA LİMANINDA QARŞILANMA
AZƏRTAC-ın xüsusi müxbirləri xəbər verirlər ki, Azərbaycan Respublikasının Prezidenti İlham Əliyev fevralın 7-də Gürcüstan paytaxtına gəlmişdir.
Azərbaycan, Türkiyə və Gürcüstanın dövlət bayraqları ilə bəzədilmiş Tbilisi beynəlxalq hava limanında dövlətimizin başçısının şərəfinə fəxri qarovul dəstəsi düzülmüşdü. Milli geyimli qız və oğlan Azərbaycan Prezidentinə gül dəstəsi təqdim etdilər.
Prezident İlham Əliyevi təyyarənin pilləkəni yanında Gürcüstanın Baş naziri Zurab Noğaideli və digər rəsmi şəxslər böyük hörmət və ehtiramla qarşıladılar.
Dövlətimizin başçısı hava limanından onun üçün ayrılmış iqamətgaha - “Tbilisi-Mariott” mehmanxanasına yola düşdü.
Bölmənin digər xəbərləri
