TBİLİSİDƏ GUAM ÖLKƏLƏRİNİN PAYTAXTLARINDAKI 126 NÖMRƏLİ MƏKTƏBLƏRİN NÜMAYƏNDƏLƏRİ GÖRÜŞMÜŞLƏR
S.Hüseynova demişdir ki, GUAM ölkələrinin paytaxtlarındakı 126 nömrəli məktəblərin şagirdlərinin “Dostluq” mərkəzinin yaradılmasından məqsəd şagirdlər arasında münasibətləri inkişaf etdirməkdir.
Mərkəz beynəlxalq əlaqələrin möhkəmləndirilməsinə, birgə tədris-yaradıcılıq tədbirlərinin keçirilməsinə, iştirakçı ölkələrin adət-ənənələrinin öyrənilməsinə, təhsil sistemində beynəlxalq təcrübə mübadiləsinə, mütərəqqi ideyaların dərs prosesinə tətbiqinə də xidmət edəcəkdir.
Görüşdə GUAM ölkələrinin prezidentlərinə müraciət qəbul olunmuşdur.
Nümayəndə heyətlərinin başçıları gənclərin dostluq mərkəzinin yaradılmasına dair müqavilə və sazişə imza atmışlar. “Dostluq” mərkəzinin əsasının qoyulması mərasimində Azərbaycanın Gürcüstandakı səfirliyinin əməkdaşları da iştirak etmişlər.
Bölmənin digər xəbərləri
