TƏBİB-in rəsmisi: Peyvəndlər yüksək keyfiyyətdədir VİDEO
Bakı, 13 oktyabr, AZƏRTAC
Ümumdünya Səhiyyə Təşkilatının tövsiyəsinə əsasən qrip əleyhinə peyvəndlənmə prosesi hər il oktyabrın ikinci həftəsindən başlayır. Bu il də Səhiyyə Nazirliyi tərəfindən ölkəmizə Fransa istehsalı olan "Sanofi Pasteur" şirkətinin peyvəndləri gətirilib. Tibbi Ərazi Bölmələrini İdarəetmə Birliyinin (TƏBİB) tabeliyində olan müəssisələrdə peyvəndləmə prosesinə başlanılıb.
AZƏRTAC xəbər verir ki, bunu jurnalistlərə açıqlamasında TƏBİB-in Tibbi xidmətlərin inkişafı departamentinin rəhbəri Yaqut Qarayeva deyib.
O, peyvəndlərin yüksək keyfiyyətdə olduğunu deyib: “Peyvənd dozalarına heç bir tibb işçisinin müdaxiləsi yoxdur, hazır şəkildə - injektorlara yığılmış halda ölkəmizə gətirilib və çox rahatlıqla tətbiq edilir”.
Yaqut Qarayeva peyvəndlənmənin könüllü olduğunu da xatırladıb.
Bölmənin digər xəbərləri
