Azərbaycan Dövlət Neft Şirkətindən AZƏRTAC-ın müxbirinə bildirmişlər ki, “Azneft” İstehsalat Birliyinin 28 May adına Neft-Qazçıxarma İdarəsinin kollektivi cari ilin mart ayında dəniz yataqlarından 186 milyon 749 min kubmetr təbii qaz hasil etmişdir. Bu, nəzərdə tutulandan 1milyon 339 min kubmetr çoxdur.

Neftçilər 2004-cü ilin ilk rübündə isə proqnozdan 7 milyon 554 min kubmetr artıq, yəni 551 milyon 604 min kubmetr qaz çıxararaq, üç aylıq tapşırığı 101,4 faiz yerinə yetirmişlər.