“Təhsil” komandası U-16 qızlar Liqasının qalibi olub
Bakı, 14 may, AZƏRTAC
AFFA-nın təşkil etdiyi futbol üzrə U-16 qızlar Liqasında 2017/2018-ci il mövsümünə yekun vurulub. “Təhsil” və “Keşlə” Respublika İxtisaslaşdırılmış Olimpiya Ehtiyatları Uşaq-Gənclər İdman Məktəbinin (RİOEUGİM) ikinci komandası arasında oyundan sonra mövsümü ilk 3 pillədə başa vurmuş komandaların mükafatlandırılması mərasimi təşkil olunub.
AZƏRTAC xəbər verir ki, mükafatları AFFA-nın baş katibinin müavini Sərxan Hacıyev, kütləvi futbol departamentinin rəhbəri Cahangir Həsənzadə, qadınlardan ibarət U-19 və əsas milli komandanın baş məşqçisi Vüqar Əsgərli, Qızlar Liqası şöbəsinin rəhbəri Nəriman Axundov təqdim ediblər.
U-16 qızlar Liqasının qalibi “Təhsil” komandası olub. UGİM (Qax) ikinci, “Keşlə” RİOEUGİM-2 isə üçüncü yeri tutub.
Alina Nəhmədova (“Fidan”) ən yaxşı oyunçu, Pərvin Səfərəliyeva (“Keşlə” RİOEUGİM-2) “feyr-pley” mükafatına layiq görülüb. Qaxı təmsil edən UGİM komandasının üzvü Ofelya Durmuşova 57 qolla liqanın bombardiri olub.
Hakim kimi karyerasının son oyununa çıxmış Ülviyyə Mustafayevaya isə gül dəstəsi təqdim edilib.
Bölmənin digər xəbərləri
