Təhsil Nazirliyi: İmtahan sessiyaları ilə bağlı aparılan monitorinqlərin nəticələri təhlil ediləcək
Bakı, 15 yanvar, AZƏRTAC
Təhsil Nazirliyi tədris prosesinə müdaxilə etmir. Nazirlik sadəcə ümumi siyasəti həyata keçirir. İmtahan sessiyasının gedişatı ilə bağlı monitorinqlər keçirilir. Monitorinqlərin nəticələri təhlil ediləcək. Tələbə və müəllimləri narahat edəcək məsələ olacaqsa, buna operativ şəkildə reaksiya veriləcək.
AZƏRTAC xəbər verir ki, bunu “Pandemiya şəraitində tədrisin və imtahanların təşkili” mövzusunda vebinarda Təhsil Nazirliyinin Ali və orta ixtisas təhsili şöbəsinin müdiri Nicat Məmmədli deyib.
O bildirib ki, imtahan sessiyası ilə bağlı apelyasiyaların yaradılması universitetlərin səlahiyyətindədir.
Xatırladaq ki, yanvarın 11-dən ali və orta ixtisas təhsili müəssisələrində 2020-2021-ci tədris ilinin payız semestrinin imtahan sessiyası başlayıb. İmtahan sessiyası 4 həftə davam edəcək.
Bölmənin digər xəbərləri
