TƏHSİL NAZİRLİYİNDƏ KOLLEGİYA İCLASI KEÇİRİLMİŞDİR
AZƏRTAC-ın müxbiri xəbər verir ki, nazir Misir Mərdanov iclasda çıxış edərək, alimlik dərəcələrinə görə vəzifə maaşlarına əlavələrin və aspirantlara, ali, orta ixtisas, peşə məktəblərinin, peşə litseylərinin tələbələrinə və şagirdlərinə verilən təqaüdlərin artırılması barədə Prezident Sərəncamlarının dərin minnətdarlıqla qarşılandığını bildirmiş və bunu təhsilimizə, elmimizə göstərilən qayğının nümunəsi kimi qiymətləndirmişdir.
Ölkəmizdə aparılan təhsil islahatlarından danışan nazir təkcə Yaponiyanın Bakıdakı səfiri Toşiyuki Fucivaranın iştirakı ilə təhsil sistemimiz üçün vacib olan 30-dan çox layihənin hazırlandığını və həyata keçirildiyini diqqətə çatdırmışdır. Həmçinin bildirmişdir ki, Yaponiya hökumətinin ayırdığı qrantlar hesabına respublikamızda onlarca məktəb binası tikilmiş və tikilməkdədir.
Sonra nazir iclasda iştirak edən səfir T.Fucivaraya fəxri fərman və hədiyyə təqdim etmişdir.
Səfir Toşiyuki Fucivara respublikamızın ayrı-ayrı bölgələrində yeni məktəb binalarının tikintisi üçün bundan sonra da əlindən gələn köməyi edəcəyini bildirmiş və tədbir iştirakçılarına xoş arzularını çatdırmışdır.
Sonra Bakı şəhər Baş Təhsil İdarəsinin rəis əvəzi Fərzəli Qədirov məruzə ilə çıxış edərək, Təhsil Nazirliyinin birbaşa tabeliyində olan T. İsmayılov adına “İntellekt” məktəb-litseydə, fizika, riyaziyyat və informatika təmayüllü litseydə və diğər təhsil ocaqlarında keçirilmiş kompleks monitorinqin nəticələrindən danışmış, onların fəaliyyəti, iş metodları haqqında geniş məlumat vermişdir.
Bölmənin digər xəbərləri
