TELERADİO PROQRAMLARININAVROPAYA KEYFİYYƏTLİ YAYIMI TƏMİN EDİLİR
Rabitə və İnformasiya Texnologiyaları Nazirliyindən AZƏRTAC-ın müxbirinə bildirmişlər ki, AzTV-1 proqramının, respublika radiosunun I və “Araz” proqramlarının bütün Avropa ölkələrinə keyfiyyətli yayımını təmin etmək məqsədi ilə Sesat peykinə işləyən yeni Aplink televiziya stansiyası quraşdırılıb istismara verilmişdir. Bu proqramlar, eyni zamanda, Türksat peykindən də yayımlanır.
Prezident İlham Əliyevin Gürcüstanın azərbaycanlılar yaşayan ərazilərində sosial tədbirlərin həyata keçirilməsi barədə göstərişinə uyğun olaraq, Marneuli rayonunun Ağaməmmədli kəndində televiziya vericisi və peyk qəbulu avadanlığı quraşdırılaraq AzTV-1 proqramının keyfiyyətli yayımı təmin edilmişdir.
Bölmənin digər xəbərləri
