Televiziya şousunun ulduzuna çevrilən 13 uşaq anası intihar edib
Bakı, 19 sentyabr, AZƏRTAC
Böyük Britaniya sakini, çoxuşaqlı ana Mendi Hardner evinin yaxınlığında ölü tapılıb.
AZƏRTAC “The Sun” qəzetinə istinadla xəbər verir ki, insident Uest-Sasseks qraflığında qeydə alınıb. 43 yaşlı britaniyalı qadının intihar etdiyi məlum olub. Suisidin səbəbləri barədə məlumat verilmir.
Qeyd edək ki, Mendi Hardner “Qeyri-adı hamiləliklər” televiziya şousu ilə məşhurlaşıb. O, 2016-cı ildə 12-ci uşağına hamilə olan zaman verilişə çıxıb. İki il öncə isə Mendinin 13-cü övladı dünyaya gəlib. Qadın televiziya şousunda bildirib ki, nə qədər çox uşaq dünyaya gətirirsə, bunu bir o qədər də yenidən təkrarlamaq istəyir.
O, özünün “Instagram” səhifəsində ailəsi barədə məlumat yerləşdirib və övladlarını, itini və həyat yoldaşını çox sevdiyini yazıb.
Bölmənin digər xəbərləri
