TƏNTƏNƏLİ TƏDBİRLƏR KEÇİRİLMİŞDİR
İzdiham əvvəlcə Heydər Əliyev adına muzeyin qarşısında yığışmışdır. Dahi şəxsiyyətin xatirəsi ehtiramla anılmış, abidə önünə gül-çiçək dəstələri qoyulmuşdur.
Tədbir Heydər Əliyev adına idman sağlamlıq kompleksindəki “Zirvə-klub”da davam etdirilmişdir. Rayon icra hakimiyyəti başçısı Adil Məmmədov toplantı iştirakçılarını salamlamış, onları Dünya Azərbaycanlılarının Həmrəylik günü və Yeni il bayramı münasibətilə təbrik etmişdir. Natiq azərbaycanlıların bir araya gəlməsinin tarixi zərurət olduğunu, əzəli torpaqlarımızın mənfur ermənilərin işğalından mütləq azad ediləcəyini bildirmiş, ölkəmizin başçısı İlham Əliyevin ulu öndərin müəyyənləşdirdiyi siyasi və iqtisadi kursu uğurla davam etdirdiyini diqqətə çatdırmışdır.
Mədəniyyət evinin hazırladığı rəngarəng konsert proqramı tədbiri daha da rövnəqləndirmişdir.
Rayonun ictimai, sosial həyatında fəallıq göstərən adamların bir qrupuna icra hakimiyyətinin Fəxri fərmanları və qiymətli hədiyyələri təqdim olunmuşdur.
Sonda ölkəmizin Prezidentinə müraciət qəbul edilmişdir.
Bölmənin digər xəbərləri
