TERRORİSTLƏRƏ QARŞI ƏMƏLİYYAT UĞURLA BAŞA ÇATMIŞDIR
AZƏRTAC-ın xüsusi müxbiri xəbər verir ki, Türkiyənin Diyarbəkir vilayətinin Mardinqapı bölgəsində bir neçə terrorist polis məntəqəsinə atəş açmışdır. Hadisə nəticəsində bir polis həlak olmuşdur. Bu hadisədən sonra Diyarbəkir polisi 9 gün boyunca geniş əməliyyat-axtarış tədbirləri keçirmişdir.
Diyarbəkir polisinin rəisi Orhan Okur əməliyyatın uğurla başa çatdığını bildirmişdir. Polis qüvvələri axtarışlar zamanı terroristlərin silah anbarını aşkar etmişlər. Silahların arasında avtomatlar, tapancalar, 7 ədəd raket qurğusu və çoxlu sayda qumbara olmuşdur. Polislə terroristlər arasında baş verən toqquşmada 2 terrorist həlak olmuş, 5 nəfər yaxalanmışdır.
Bölmənin digər xəbərləri
