TƏRTƏRDƏ İNFORMATİKA MÜƏLLİMLƏRİ ÜÇÜN YEKUN TEST İMTAHANLARI KEÇİRİLMİŞDİR
Rabitə və İnformasiya Texnologiyaları Nazirliyi (RİTN) və AMEA-nın İnformasiya Texnologiyaları İnstitutu tərəfindən Tərtər rayonu ümumtəhsil məktəblərində informatika fənnini tədris edən müəllimlər üçün təşkil olunan tədris kursları çərçivəsində yekun test imtahanları keçirilmişdir.
Nazirlikdən AZƏRTAC-a bildirmişlər ki, ilk üçlükdə yer alan müəllimlərə RİTN və HP şirkəti tərəfindən noutbuk, digər iştirakçılara isə müxtəlif həvəsləndirici mükafatlar verilmişdir. Bundan əlavə, bütün iştirakçılara sertifikatlar təqdim olunmuşdur.
“Azərbaycan Respublikası regionlarının sosial-iqtisadi inkişafı Dövlət Proqramı (2004-2008-ci illər)” çərçivəsində regionlarda rəqəmsal geriliyin aradan qaldırılması, informasiya-kommunikasiya texnologiyaları sahəsində milli kadrların hazırlanması məqsədi ilə təşkil olunmuş kurslarda Tərtər rayonunun 34 orta məktəbindən 75 müəllim iştirak etmişdir.
Bölmənin digər xəbərləri
