Tərtərdə Vətən müharibəsi şəhidlərinin il mərasimləri keçirilib
Tərtər, 11 oktyabr, AZƏRTAC
Vətən müharibəsində qəhrəmancasına döyüşərək şəhidlik zirvəsinə ucalmış Tərtər rayon sakinləri Aslanlı Orxan Şahmar oğlunun və Şahbazov Ruslan Mahir oğlunun il mərasimləri keçirilib.
AZƏRTAC-ın bölgə müxbiri xəbər verir ki, rayon icra hakimiyyətinin, hüquq-mühafizə orqanlarının rəhbərləri, şəhid ailələrinin üzvləri, sakinlər, din xadimləri şəhidlərin məzarlarını ziyarət edərək, üzərinə gül-çiçək düzüblər. Şəhidlərin ruhuna dualar oxunub.
Mərasimlərdə şəhidlərin keçdiyi şərəfli döyüş yolu xatırlanıb, onların Vətən müharibəsindəki rəşadətindən bəhs edilib, xatirələrinin qəlblərdə əbədi yaşayacağı vurğulanıb.
Bölmənin digər xəbərləri
