Tərtərlilər 20 Yanvar faciəsi qurbanlarının xatirəsini ehtiramla yad etmişlər
Tərtər, 20 yanvar (AZƏRTAC). Azərbaycan xalqının qan yaddaşına əbədi həkk olunmuş 20 Yanvar faciəsinin 24-cü ildönümü Tərtər rayonunda xalqımızın qəhrəmanlıq salnaməsi, milli qürur günü kimi qeyd olunmuşdur.
AZƏRTAC xəbər verir ki, yanvarın 20-də rayon rəhbərliyi, əmək kollektivlərinin nümayəndələri, məktəblilər, ağsaqqallar və gənclər Tərtər şəhərində 20 Yanvar şəhidlərinin xatirəsinə ucaldılmış abidə-kompleksin önünə tər çiçəklər düzmüş, şəhidlərin xatirəsini ehtiramla yad etmişlər.
Mərasimdə məktəblilərin hazırladığı ədəbi-bədii kompozisiya nümayiş olunmuşdur. Şəhidlərin ruhuna dualar oxunmuş, xatirələri bir dəqiqəlik sükutla yad edilmişdir.
Gənclər Mərkəzində davam edən tədbirdə çıxış edənlər 20 Yanvar faciəsinin səbəbləri və ağır nəticələri barədə danışmış, hadisəyə siyasi-hüquqi qiymət verilməsində, şəhidlərin xatirəsinin əbədiləşdirilməsində ümummilli lider Heydər Əliyevin tarixi xidmətlərindən bəhs etmişlər. Çıxışlarda 20 Yanvar faciəsinin xalqımızın yaddaşından heç vaxt silinməyəcəyinə əminlik ifadə olunmuşdur.
Bölmənin digər xəbərləri
