TƏSƏRRÜFATLARDA DÖLALMA DÖVRÜ BAŞA ÇATMIŞIDR
Qax, 16 mart (AZƏRTAC). Qax rayonunun heyvandarlıq təsərrüfatlarında qoyunçuluqda ən məsul dölalma quzulama dövrü müvəffəqiyyətlə başa çatmışdır.
Rayon icra hakimiyyətinin aqrar məsələlər şöbəsindən bildirmişlər ki, bu il qışlamaya ümumilikdə 82 min 765 baş qoyun cəlb edilmişdir. Heyvanların 60 min başa yaxınını ana qoyun təşkil etmişdir. Qışlamaya mütəşəkkil hazırlaşan fermerlər bu dəfəki döl kampaniyasında əvvəlki illərə nisbətən daha yüksək nəticə əldə etmişlər. İstər şəxsi təsərrüfatlarda, istərsə də qışlaqlarda saxlanılan sürülərdə hər 100 ana qoyundan orta hesabla, 95-96 bala alınmışdır.
Hazırda Sarıca və Ağyazı zonalarındakı qışlaqlarda qışlama dövrü müvəffəqiyyətlə başa çatmaq üzrədir. Qoyunlar və yeni doğulan quzular sağlamdır.
Bölmənin digər xəbərləri
