Tibb işçiləri qırmızı xalları “müalicə etməyi”tövsiyə edirlər
Bakı, 29 mart (AZƏRTAC). Bir çox insanların bədənində xala bənzər qırmızı rəngli sıx damar yığınları vardır. Çoxları onu qırmızı xal adlandırırlar.
Lakin tibb işçiləri xəbərdarlıq edirlər ki, “qırmızı xallar”ın vəziyyətini daim izləmək lazımdır. Əgər belə xal kiçicik qırmızı xaldan çıxıb bədəndə böyük bir törəməyə çevrilirsə, klinikaya müraciət etmək, dermatoloqdan məsləhət almaq lazımdır.
Qırmızı xalların elmi adı gemangiomadır və uzun illər belə xalla yaşamağa alışan insanların əksinə olaraq tibb işçiləri gemangiomanı xəstəlik hesab edirlər.
Balaca və hiss olunmayan gemangiomaları həkimə göstərməsən də olar, amma böyük və iltihablı qırmızı xallar lazer terapiyası və ya dərman preparatlarının gemangiomaya yeridilməsi yolu ilə müalicə olunmalıdır.
Bölmənin digər xəbərləri
