“TİTAN GROUP” ŞİRKƏTİ BEYNƏLXALQ SƏRGİDƏ AZƏRBAYCANI LAYİQİNCƏ TƏMSİL ETMİŞDİR

27.05.2006 [04:08]
Çap et
A⁺ A^-

Heydər Əliyev adına İdman-Konsert Kompleksində keçirilmiş 12-ci Azərbaycan Beynəlxalq Qida Sənayesi sərgisi başa çatmışdır. Daha çox yerli şirkətlərin təmsil olunduğu bu tədbirdə “Titan group” Sənaye Şirkətlər Birliyinin nümayiş etdirdiyi məhsullar diqqəti daha çox cəlb etmişdir.

Şirkətin meneceri Cavid Əfəndiyev AZƏRTAC-ın müxbirinə demişdir ki, 10 ildən artıqdır ki, fəaliyyət göstərən müəssisə ticarət və iaşə obyektləri üçün soyuducu, mətbəx avadanlığı istehsalı üzrə ixtisaslaşmışdır. Şirkət eyni zamanda, Fransa, İtaliya, Almaniya və Türkiyə müəssisələrinin respublikamızda rəsmi distribüteridir.

“Titan group”un müştəriləri arasında “Azərsun”, “Tekfen”, “McDermot”, “Azfen”, “Mərdəkan broyler” şirkətləri vardır.